Ұлы Жеңістің 70 жылғы қарсаңында Ақтөбе облысы Шалқар ауданы бойынша мемлекеттік кірістер басқармасы Ұлы Отан соғысының ардагері Жұмабаев Таңжарық Жұмабайұлының отбасында болып, ардагерді Жеңістің 70-жылдығымен құттықтады.  Басқарма басшысының ұйымдастыруымен ҰОС ардагеріне шынайы көмек көрсетіліп, яғни ардагердің тұрғын үйінің ауласы тазартылып, сондай-ақ, ардагерге азық-түлік корзинасы сыйға тартылды. 

 

            Жұмабаев Таңжарық Жұмабайұлы 1925 жылы Шалқар ауданы, Шетырғыз колхозы 2-ші Бесжылдық, 3-ші ауылда дүниеге келген. 1933 жылы әкесінен айырылған Таңжарық шешесі Дәмеш, қарындасы Нағима үшеуі жетім қалған. Шетырғыз колхозында Қаратоғай мектебінде 7 сыныпта оқып жүргенінде, 1942 жылы желтоқсанның 3-ші күні Армия қатарына шақырылған.