Тасымалдаушылар назарына

           Қазақстан Республикасы Дүниежүзілік сауда ұйымына мүше болуына байланысты бірқатар тауар позициялары бойынша тарифтік міндеттемелер қабылдады – ДСҰ жағдайында әкелу ставкілері әркет етуші Еуразиялық экономикалық одақтың бірыңғай кеден тарифтері шеңберінде төмен кедендік әкелу бажымен әкелінетін алып қою тізілімі (бұдан әрі – Тізілім)    .

           Жоғары Еуразиялық экономикалық кеңестің 16.10.2015 жылғы №22 Шешімінің 3-тармағына сәйкес, Қазақстан Республикасы Тізілімде бар тауарларды, егер ол тауарлар Қазақстан Республикасы аумағына әкелгенде төмен кедендік баж ставкілерімен декларацияланған болса, басқа Кеден одағына мүше елдер аумағына шығармау туралы міндеттеме қабылдады.

           Еуразиялық экономикалық одақтың кедендік аумағына тауарларды әкелу мен олардың айналымының кейбір мәселелері туралы хаттаманың (16 қазан 2015 жыл, Бурабай қ.) (бұдан әрі  - Хаттама) 3-бабы 10-тармағына сәйкес, есепке алу жүйесінде тіркелген (ол енгізілгенге дейін – ҚР ҚМ МКК аумақтық органдарында куәландырылған), тауарлар жөнінде және ЕАЭО Бірыңғай кеден тарифі (бұдан әрі – ЕАЭО БКТ) ставкілері бойынша кедендік әкелу бажын төлегендігін растайтын    мәлімет бар тауар-ілеспе құжаттарының болмауы, тасымалдаушы үшін осындай тауарларды тасымалдауға қабылдамауға негіз болады.

           ҚР ҚМ МКК аумақтық органдарының елтаңбалық (дөңгелек) мөрімен куәландырылған (электрондық есепке алу енгізілгенге дейін), электрондық шот-фактураның (бұдан әрі – ЭШФ) және тауарларға арналған декларацияның қағаз көшірмелері тауар-ілеспе құжаттары болып табылады.

Тізілімге қосылған, Қазақстан Республикасында өндірілген тауарларды шығаруда, СТ-1 нысанындағы тауардың шығарылған жері туралы сертификат пен ҚР ҚМ МКК аумақтық органдарының елтаңбалық (дөңгелек) мөрімен куәландырылған  ЭШФ қағаз көшірмесі тауар-ілеспе құжаттары болып табылады.

Декларант, сәйкесінше тауарларды иеленуге құқығы бар басқа тұлға, тауарларды тасымалдаушы осындай тауарларды тасымалдау бойынша талаптарды сақтамағы үшін жауапты болады.

ЕЭК Еуразиялық экономикалық одаққа мүше-елдердің аумағына жеке көлік құралдарды әкелу шарттарын жеңілдетті

Ағымдағы жылдың 19 қыркүйегінен бастап Еуразиялық экономикалық одақтың «Жеке пайдалануға арналған көлік құралдарын уақытша әкелудің кейбір мәселелері туралы» Шешімі күшіне енді, аталған құжат Еуразиялық экономикалық одақ елдерінің аумағына автокөлік иелерінің келуін жеңілдетеді.

Бұрын көлік құралдарын уақытша әкелу кезінде кеден органының белгілейтін алғашқы мерзімі үш айды құрайтын еді.  Ал автокөлікті кеден органының белгілеген мерзім өткенге дейін қандай да бір себептерге тәуелсіз Еуразиялық экономикалық одақ елдерінің аумағынан тыс жерге шығармағаны үшін кей жағдайларда орташа санатқа жататын автокөліктің құнына тең мөлшерде кедендік баждар мен салықтарды міндетті түрде төлеу қажет болған еді. Бұдан басқа, осындай автокөлікті әкелу кезінде декларациялаудан өткен елдің заңнамасына сәйкес әкімшілік жауапкершілік те көзделген еді.

Еуразиялық экономикалық комиссия алқасының 2015 жылғы 18 тамыздағы Шешімімен көлік құралдарын уақытша әкелудің алғашқы мерзімін кеден органының үш айға дейін міндетті түрде белгілеу бойынша талабының күші жойылды. Осы қабылданған шешім азаматтың келген орнынан біршама алыста орналасқан кеден органына уақытша әкелу мерзімін ұзарту үшін жүгіну қажеттігін болдырмайды. Ал уақытша әкелу мерзімі Одақ аумағына азаматтардың келу ұзақтығына орай нақты бір жағдайлары ескеріле  отырып, уақытша әкелудің рұқсат етілетін жоғары мерзіміне дейін де белгіленуі тиіс. Одақтың азаматтары үшін мұндай мерзім алты айды құрайды, ал шетел азаматтарына – бір жыл.

        Бұдан басқа, ЕЭК алқасының шешімімен уақытша әкелу мерзімі өтіп кеткен көлік құралын кеден бажын төлеусіз (бірақ рұқсат етілетін мерзім шегінде) төлемей-ақ шығаруға болады.

Осындай ұқсас жағдайлар Одақтың кеден аумағынан әкетілген көлік құралдарына қатысты болады: егер кеден аумағынан әкетілсе – кедендік баждарды төлеу қажет болмайды.