Эксаумақтық ұстанымда қызмет көрсету

         Мемлекеттік көрсетілетін қызметтер басқармасы мемлекеттік көрсетілетін қызметтерді алу тәртібін оңтайландыру және оңайлатуға бағытталған мемлекеттік көрсетілетін қызметтерді эксаумақтық ұстанымда көрсету бойынша пилоттық жоба жүргізіліп жатқанын хабарлайды. Пилоттық жоба 2016 жылдың 1 сәуірінен бастап Ақмола, Қостанай және Солтүстік Қазақстан облыстары бойынша Мемлекеттік кірістер департаменттері құрылымдық бөлімшелерінің  арасында жүзеге асады.

         Пилоттық жоба бойынша мемлекеттік қызметтің 14 түрі жобаға кірді. Жоба кезінде кең таралған төмендегідей қызмет түрлері:

• Дара кәсіпкердің тіркеу есебі
• Салықтардың, бюджетке төленетін басқа да міндетті төлемдердің , өсімпұлдардың, айыппұлдардың  төленген соммаларын есепке жатқызуды және қайтаруды жүргізу;
• Салық берешегінің , міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша  берешегінің жоқ (бар) екендігі туралы мәліметтер, салық міндеттемесін, сондай-ақ міндетті зейнетақы жарналарын есептеу, ұстап қалу және аудару, әлеуметтік аударымдарды есептеу және төлеу бойынша міндеттемелерді орындау бойынша бюджетпен есеп айырысулардың жай-күйі туралы дербес шоттан көшірме беру және тағы басқа қызмет түрлері бар.

      Бүгінгі таңда аталған жобаның көлемі кеңейтіліп Ақтөбе, Қарағанды,және Павлодар облыстары қосылды.  Мемлекеттік кірістер органдары құрылымдарының біріккен жалпы бизнес –процесі мемлекеттік көрсетілетін қызметтерді эксаумақтық ұстаным бойынша көрсету принципіне  көшірілді.

       Қызметтерді эксаумақтық ұстанымда көрсету салық төлеушілер үшін ыңғайлы, өйткені ол аймақтар арасындағы шығындарын қысқартуға , сонымен қатар басқа аймаққа уақытша шыққан кезде қызметті алуға мүмкіншілік береді.