ҚҰТТЫҚТАУ

             Ақтөбе облысы бойынша Мемлекеттік кірістер департаменті аудит басқармасы №1 аудит бөлімінің бас маманы Шолпан Смағұлқызы Саринаның мемлекеттік қызметте, оның ішінде мемлекеттік кірістер органында  27 жылдан астам уақыт қызмет атқарып келе жатқанын ескере отырып,  8-наурыз Халықаралық әйелдер  мерекесіне орай құттықтау жолдарын жолдауды жөн көріп отыр.

 Шолпан Смағұлқызы кәсіби қызметін аса жауапкершілікпен, мүлтіксіз атқарып келеді. Ол өте ұстамды, сауатты, жауапкершілігі мол мемлекеттік қызметші.   Ұжымда сыйлы, жас мамандарға тәлімгер болып, кәсіби білімімен бөлісуге жалықпайтын қызметкер ретінде танылды.

          2016 жылы  Шолпан Смағұлқызы  16 салықтық тексеру жүргізді,  тексеру нәтижесінде  2 819 333 628 тенге қосымша есептіліп,  оның ішінде 30 131 228 тенге бюджетке өндірілді. Сонымен қатар, 2017 жылы 2 салықтық тексеру жүргізіп, тексеру нәтижесі бойынша 86 114 996 тенге қосымша есептіліп,  оның ішінде бюджетке 15 838 198 тенге өндірілді.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  

          Салық саласындағы ұзақ жылғы еңбегі еленіп, Ш.Сарина 2001 жылы Қазақстан Республикасы тәуелсіздігінің 10-жылдығына орай Мерекелік Медалімен марапатталды. Сонымен қатар, 2010 жылы Қазақстан Республикасы Қаржы министрлігі Салық комитетінің Құрмет грамотасымен, 2013 жылы Ақтөбе облысы бойынша Салық департаментінің Құрмет грамотасымен марапатталды.

Ақтөбе облысы бойынша Мемлекеттік кірістер департаментінің ұжымы Шолпан Смағұлқызын  8-наурыз Халықаралық әйелдер күнімен құттықтайды. Сізге шығармашылық табыс тілей отырып, зор денсаулық, қажымас қайрат, экономикамыздың өркендеу жолында әрдайым үлесіңізді қосып, беделіңіз арта берсін.